«Джанымызда ольмез джаным — Челебиджиханым»
«Ант эткенмен, сёз бергенмен миллет ичюн ольмеге,
Билип, корип миллетимнинъ козь яшыны сильмеге.
Бильмей, корьмей бинъ яшасам, Къурултайлы хан олсам,
Кене бир кунь мезарджылар келир мени коммеге».
(Н.Челебиджихан)
Бойле сёзлернен, миллетимизнинъ «бабасы», алидженап инсан киби бизим акъылымызда къалгъан, февральнинъ йигирми учюнде 1918 сенеси, там 100 йыл эвельси Къырым халкъ джумхуриетининъ биринджи реиси, ильк Къурултайнынъ тешкилятчысы, Къырым, Украина, Литва, Полония мусульманларынынъ ильк Муфтиси, «Ант эткенмен» миллий гимнимизнинъ муэллифи Номан Челебиджихан вахшийдже ольдюрюльген эди.
1885-нджи сенеси Джанкой якъынлыгъындаки Сонакъ коюнде догъгъан эди. Истидатлы шаир, ичтимаий – сиясий хадим Номан Челебиджиханнынъ шерефли омюр ёлу келеджек несиллерге парлакъ орьнектир. Нидже йыллар кечсе де онынъ фаалиети эбедий яшай. Ватан ве миллет ичюн куреште булунгъан Номан Челебиджихан, бизим джанымызда ич ольмез.
Бу улу инсан къырымтатар халкъыны юксек севиеге котермек ичюн чокъ йыллар курешти. Озь къурултайы, тили, акъ – адалети, Къырым мустакъиль бир девлетчиликке ляйыкъ олгъаныны ве бунынъ энъ адалетли шекли – Къырым Халкъ Джумхуриети ола биледжегини илян этти. Миллет о вакъыт кенди тарихынынъ энъ бахтлы куньлерини яшагъан эди.
Ойле бир курешке азыр ки, онынъ ичюн олюмге биле азыр Номан Челебиджихан: «Ант эткенмен, сёз бергенмен миллет ичюн ольмеге!…» деп яза. Бу сатырлар онынъ омюринде керчек олып чыкъты. Иште, бойле инсан эди. Чокъ истидатлы, ичи-тышы бир, мукеммель бутюнлик арз эткен бир шахсиетке саип олгъан бир инсандыр…
Миллет ичюн бизлер шимдики яшлар бир шей этмеймиз. Эбет, этмеймиз, бизлер озь арамызда биле, озь тилимизде къонушмайыкъ. Бу чокъ бир кедерли вазиет. Федакяр инсанлар эр бир заманда олгъан, эр бир инкишаф ёлунда пейда олгъанлар: Исмаил Гаспралы, Номан Челебиджихан, Осман Акъчокъракълы, Юнус Кандым, Эшреф Шемьи – заде ве иляхри, бу сыраны даа чокъ адларнен толдурмакъ мумкюн ве эр бир инсан озь Ватанына, миллетине хызмет эткенлер. Бойле инсанларны догъургъан миллет ич бир заман кучюк олмаз! Бизим несилимизде де ойле инсанлар, эминим, эльбетте бардыр.
Джейн Остен «Гордость и предубеждение»
... Гордость и предубеждение", самый известный роман Джейн Остен, издатель отверг, сочтя его скучным и незначительным. Современники Остен, даже самые благосклонные, были не слишком высокого мнения о ее сочинениях и ... Англии XIX века и способы преодоления стереотипов в романе Джейн Остен «Гордость и предубеждение». Объект исследования - роман Джейн Остен «Гордость и Предубеждение». Предмет исследования - ...
Бизим миллетимиз бильгиге мухтадж. Номан Челебиджихан «Айгиди татар яшлары!» озь шииринде татар халкъы насыл ёл иле юрьмек, ким бу елда достунъ ве я душманынъ оладжакъ, кимге ве неге таянмакъ керек олгъаныны ачыкъ айдын айта:
«Айгиди татар яшлары, окъумайлар!
Окъусалар кимседен кем къалмайлар.
Истанбулда, Парижде биринджи бола,
Японлар да онларгъа еталмайлар»…
Бильгилеримиз чокъ олса эр бир ёнелиште, гъайып олмамакъ ичюн биз, яшлар, ана тилине эмиет бермек керекмиз онынъ тарихыны бильмек ве земаневий тильнинъ къуруджылары олмакъ борджлумыз.
Демек бизлер, яш несиль оларакъ, къолымыздан кельгенини япмакъ керекмиз. Бизим халкъымызнынъ бу девлетте келеджеги мустакъиль, там оларакъ акъ – укъукъ саиби олмасы керек. Ильк эвеля, кендимиз ким олгъанымызны огренмелимиз, не истегенимизни, неге курешеджегимизни бильмелимиз – тек бу шейлерни яшхы бильсек, куреш ёлунынъ нетиджесини корермиз.
