Коми кыв да литература урокъяс вылын гижны велöдан методика

Сочинение

Ыджыдвидзса школа

Коми кыв да литература урокъяс вылын сочинение гижны велöдан методика

Видзöдлыны кö талунъя семинарлысь тема, велöдысьяс водзын, чайта да,

  • гижöда удж пыр сöвмöдны челядьлысь вежöр да сям.

Та могысь челядьöс

Сочинение овлö уна сикасаöн, но меным медводз окота сувтыштлыны сідз шусяна «свободнöй» тема гижöда удж вылö.

Думайта да, быдöн, кор босьтöны, Та могысь, дерт жö, позьö и колö нуöдны творческöй уджъяс., Видлöг вылö, позьö водзвыв

«

Ура! Миянлы воссис öдзöс шöр школаö. Ми тöдмалам уна выльтор. Ми кайим витöд ступенька вылö. Миян лоöны выль предметъяс. Ми лоим ыджыдöсь. Öні ми ог ворсöй аканьясöн да машинаясöн. Начальнöй классын став уджыс вöлі кокни, а шöр школаын мукöд уджъяс сьöкыдöсь. Ме кöсъя велöдчыны бура».

Панюкова Милана, 5-öд класс.

Татшöмсяма уджöн жö лоö и «Театрын» гижöда удж.

Челядьлы водзвыв печатайтöма серпас «, Заводитны позьö öтлаын татшöмсяма кывъясöн:

«И вот ме театрын. Надзöн кусö би. Кыптö занавес. А сэні…»

А мый сэтысь аддзöны челядь, бара жö гижасны ас кывйöн , 3-4 сёрникузяöн.

«А сэні артистичнöй геройяс, каньяс. Прöстö мойдкыв! Ставныс мича паськöмаöсь. Сёрнитöны, сералöны. Заводитчöны трагедияяс, но помас ставыс бур, и видзöдысьяс клопайтöны».

Панюкова Милана, 5-öд класс.

«И вот ме театрын. Надзöн кусö би. Кыптö занавес. А сэні став геройыс заводитісны сьывны, йöктыны да челядьöс серöдны.

Сэні öти артист жирафöс петкöдлö, да сэтшöм серама. Сэні каньяс, порсьяс, понъяс, кöчъяс да с.в. Меным сэні кажитчис».

Симпелева Вероника, 5-öд класс.

Дерт, ми аддзам уна öшыбка, и грамматика боксянь, и лексика боксянь. Но сы вылö öд и уджыс, мед велöдчыны.

Либö жö Фёдор Решетников серти гижöда удж: «Бара «2»., Челядь 4-5 сёрникузяöн велöдчöны висьтавны кывйöн, мый аддзöны серпас вылысь.

«Тайö серпас вылас детинка школаын босьтöма два. Аддзам, мый сылöн чужöмыс шог. Понйыс кöсйö сыкöд ворсны, но зонка оз нин кöсйы ворснысö. Чойыс пуксьöма вöчны гортса удж, но кор аддзис воксö, сразу скöрмис. Мамыс усис шогö, сылöн дзöля вокыс кöсйö радуйтны мамсö. Зонка кöсйö велöдчыны. Сійö думайтö: «Мыйла ме ог вермы велöдчыны бура?»

5 стр., 2132 слов

Урок в 5 классе : «Сострадание и жестокость в произведении И.С.Тургенева «Муму»

... это событие, что больше никогда не смог полюбить кого-либо. Как писать сочинение «Доброта и жестокость» по рассказу «МуМу»? Доброта не знает разграничений по сословиям ... ее прихоть, как тут же последует суровое наказание. Жизнь челяди зависит от ее настроения и расположения духа. Даже ... для барыни на первом месте свои прихоти. Ей чуждо такое чувство как сочувствие и сострадание, более того барыне ...

Панюкова Милана, 5-ö класс.

Водзынджык велöдчысьяскöд ёна уджавлі фотояс да серпасъяс вылын. Вот Тіян водзын 7-öд класссаяслöн öти татшöм удж «Олöмысь серпасъяс гижöм».

«Тöвся войö».

«Серпас вылысь ми аддзам тöвся сёр рыт. Кöть и кадыс сёр нин, но гöгöр югыд. Тайö югыдлунсö сетöны и орчча керкаясын öзйысь бияс, и енэжын дзирдалысь яръюгыд кодзувъяс, и толькö на чужöм тöлысь, и аслыспöлöс востым, мый ворсöдчö енэж пасьтала. Серппас шöрын том нывка да зонка. Найö варовитöны кильчö вылын. Зонка вайöма радейтана нывлы козин: пуысь вöчöм чачö. Шуда нывка рад пöдароклы. Сійö босьтöма чачасчö киас да бергöдлö, а чужöмас долыд нюм. Кöть ывлаын веж мороз, а тайö тöдчö сы серти, мый гöгöр пужъялöма, керка трубаясысь тшыныс кайö дзик веськыда, том йöзлы шоныд. Найö весиг абу кизясьöмаöсь, кепысьтöмöсь. Зонка аскöдыс вайöма дадь, медым ислöдлыштны нывкасö. Менам чайтöм серти, нывка да зонка радейтöны öта-мöднысö».

Игушева Маша, 7-öд класс.

«Карса олöм».

«Серпас вылын нывка, коді олö карын. Гожся шоныд лун. Нывка петöма иславны роликъясöн. Сійö пасьтасьöма зэв кокньыдика:дженьыдик юбка да состöм майка, кöть неважöн на зэрöма. Асфальт вылын ва гуранъяс, но нывка зэв кокньыдика кытшовтö найöс. Тöдчö, мый важöн нин велалöма роликъясöн гöняйтлыны.

Нывкалöн синъясыс лöзöсь, ачыс шудааа сералö. Рад, мый ывла вылын шоныд, мый гöгöр быдмöны дзоридзьяс, мый ачыс сэтшöм мича, мый сэтшöм пельк, некытчö оз крукась да усь».

Симпелев Ваяся, 7-öд класс.

И мыйлакö ме казялі, мый оз тетрадьясын, а торъя листъяс вылын велöдчысьяслы ёнджыка кажитчö уджавны.

Со тавося удж, бара жö 7-öд классаяслöн.

Пуксис тöв, да челядьлы сеті мöвпалыштны та йылысь.

Темасö урчиті татшöмöс: «Лым чиркöд сёрни».

«Тöв. Ывла вылын лымъялö. Мамöй тшöктіс петны

Горт дорын ме ислöдлі чойöс ватрушкаöн. Сэсся ме заводиті вöчны лымбабаöс, а чойöй ворсны лымйöн. Сэсся ме казялі, мый чойöй сёрнитö кодкöдкö, но матын некод эз вöв.

  • Любуш, тэ нö кодкöд сёрнитан?-юалі ме чойлысь.

-Лым чиркöд,-вочавидзис меным чой. -Сійö висьталіс, мый локтіс татчö ылысь, зэв ёна мудзис да пуксис шойччыштны. А сылы сэтшöма кажитчöма тані, мый думыштіс кольччыны.

  • Но, бур тай.

Сы бöрын ме заводиті кыйöдны лым чиръяссö, но мыйлакö эг на некор, Панюква Анна, 7-öд класс.

А тайö гижöдыс зонкалöн.

«Вот и воис тöв. Ме петі гуляйтны, да менам ныр вылö пуксис лым чир. Ме вöлі рад. Друг сійö кутіс сёрнитны. Ме думышті, мый меным касьтитчö. Но тайö збыль вöлöма. Сійö шуис, мый усис ме вылö эз нарошнö. Став другъясыс сылöн усины му вылö, а ме пö уси тэнад ныр вылад. Ми сыкöд дыр на сёрнитім. Ме вöлі рад, и сійö. Но коркö сійö ланьтіс. Ме повзи, думышті, мый сійö воши. А збыль сідз вöлöма, лым чир сылöма ныр вылысь. Вот тадзи менам артмис сёрни тöвся лым чиркöд. Ме запомнита тайö лоöмторсö век кежлö».

13 стр., 6103 слов

По рассказу Кавказский пленник Толстого 5 класс

... потери и жертвы. В тот момент, когда дружба остается вечной. Сочинение 3 В рассказе “Кавказский пленник”, написанном в первую очередь для детей, Л.Н. Толстой поднимает множество ... изображает взаимоотношения между людьми разных конфессий, возрастов и полов. В рассказе «Кавказский пленник » обнаруживаются недостатки людей, такие как страх, алчность, измена, гордыня, бессердечность, мстительность. ...

Мишарин Никита, 7-öд класс.

Уна гижöда удж вöчсьö коми кыв учебник серти. Тайö уджыс 9-öд классаяслöн, 362 удж серти. Вöвлöмтор.

Мог: гижны висьт тшöкыда казьтылана вöвлöмтор йылысь. Пыртны висьтаныс мог да помка петкöдлысь придаточнöя сложноподчинённöй сёрникузяяс.

«Чери кыйöм.

Коркö öтчыд ми Кран Иванкöд ветлім чери кыйны. Сэки вöлі водз тулыс, сы вöсна ваыс вöлі зэв ыджыд.

Юад шыблалім донкаяс и мунім бипур öзтыны. Ме сэки ветлі кыйсьыны первойысь на. И окота донкатö прöверитны. Иванöс коли бипур öзтыны. Лэпті öти донка, мöдöс лэпті, а коймöдсö заводиті лэптыны, да ваас быттьö зэв ыджыд метеорит уси. А коркö дедöй на шуліс, быттьö ваас олö сюра багун. Дерт жö, ме сэки дедлы эг верит. Но öні дум вылö уси, мый вермис тайö сюра багуныд чеччыштны. А вöлöма кö- метрöвöй сир. Повзьöмöйла ме горзöмöн гöниті Иван дорö. Но Кран Иван эз на и верит меным. Сы бöрся öтнам донка некор на эг прöверитлы».

Пыстин Артём.

«Нимтысянкывъяс.

Тайö вöлі во кык-куим сайын. Вöлі коми фольклор кружок, кодöс нуöдіс Эльвира Александровна. Миян классысь тайö кружокас пырöма вöлі муртса абу став классыс.

Öтчыд матыстчö велöдысь да шуö: «Талун квайтöд урок бöрын кольччöй ставныд кружок вылö, лоас интереснö, а зулöбсаяс автобусысь оз кольны».

А ми, зулöбсаяс, кöсъям нин вöлі школа сод улö лэччыны, сэні автобусöдз прöст кадсö коллявны. Но мый вöчан, быть лои кольччыны, велöдысь öд тшöктіс.

Кружок вылын неыджыд сёрни бöрын Эльвира Александровна разöдіс, Ивашева Наташа.

Либö жö 8-öд класслы коми кывйысь 184 удж серти «Вöрö ветлöм» проекта удж».

«Вöрö ветлöм.

Выходнöй лунъясö ми ыджыд мамкöд радейтам лямпаяс вылын ветлыны вöрö. Со и декабр помын бара мöдöдчим вöрлань. Луныс вöлі шондіа, мича да зэв гажа. Шонді водзын лымйыс дзирдаліс зарни моз. Весиг синтö ёрис. А сöстöм небыдик сынöдыс «малаліс» чужöмбаннымöс. Лямпа улын дзуртіс еджыд лым.

Воим вöрö. А вöрыс мича да! Быттьö мойдö веськалім! Шоныдалöм бöын пуяс вылын лымйыс кызіника пуксьöма да дзирдаліс –пöртмасис шонді водзын уна рöмöн. Вöр пытшкыс быттьö ставнас лымйысь вöчöм двореч. Быдсяма зверлöн кок туйыс тöдчö: и гырысь кок туйяс, и посниöсь. Друг пуяс сайысь казялім ичöт урöс, коді тэрыба чеччаліс öти пусянь мöдöдз. Миянлы окота лои сы бöрся кыйöдчыштны. Кежыштім векньыдик ордымсянь боквыв. А ыджыд мамлöн лямпаыс вильскöбтіс кык орчча пу костті да сибдіс. Кыкнан пу вывсьыс лымйыс пуркнитчис сы вылö, да и урыд тшöтш. Повзьöмысла ичöт зверыд тэрыба кыкысь чесччыштіс боквыв да воши пуяс сайö.

Ыджыд мамöс мездöм бöрын недыр мысти мöдöдчим жö гортлань. Сьöлöм вылын вöлі долыд: пöтöдз шойччим, да и тэрыб уркöд на аддзысьлім».

Игушева Валерия.

Бур, мый татшöм творческöй уджъясыс эмöсь быд коми учебникын.

Видлöг вылö, 5-öд классын 218 удж серти «Менам радейтана местаяс» тема вылö висьттор.

9 стр., 4118 слов

ОБРАЗ БАБУШКИ АКУЛИНЫ ИВАНОВНЫ (По повести М. Горького «Детство») ...

... вино пьет, табак нюхает. Блаженная как бы». Бабушка Акулина Ивановна оказала огромное влияние на формирование характера Алеши, его восприятие окружающего мира, ... замуж, привыкла терпеть побои мужа. Алеше свою покорность она объясняет тем, что дед «старше! Кроме того – муж! За меня ... мужем в Нижний Новгород; оставленная мужем, она прожила здесь 7 лет. Сына Спиридона она успела уже вырастить, когда ...

«Менам радейтана места-ю дор.

Меным тайö местаыс кажитчö сы вöсна, мый вадорын югыд, ваыс сöстöм, енэж кодь лöз, позьö видзöдчыны рöмпöштанö моз. Гожöмнас ме сэні купайтча, Шуриккöд чери кыя, мамöкöд Иван лунö лэччывлам ю дорö шыбитны выль корöсь. Арнас ми ыджыд мамкöд лэччывлам ю дорас, медым видзöдлыны, кыдзи мича вижовгöрд коръясыс бадьяс вылысь усьласьöны юö. Сэтшöм мича, быттьö зарни кисьтöмаöсь сэтчö. Тöвнас лэччывлам видзöдны, кыдзи юыс дзебсьöма йи улö. А тулыснас бара на ыджыд мамкöд лэччылам любуйтчыштны, кыдзи ыджыд йи пластъяс потласьöны, кайöны öта-мöд вылас да жугласигтыр кывтöны водзлань. Лэбачьяс со дзользьöны-сьылöны, быттьö мекöд тшöтш радлöны тулыслы. Вот тайö став вогöгрся каднас меным кажитчö ю дор. Чайта да, и водзö кольö медся радейтана местанас».

Симпелева Ксения, 5-öд класс., Но и, дерт жö, уджалам контрольнöй тетрадьын. Тані нин сочинение

Видлöг вылö, 7-öд классын кык вежон сайын гижим 150-öд удж, кöні изложениесö колö гижны 3-öд мортсянь, а сэсся нин ачым сьöктöдышті уджсö: ОГЭ-ын моз перйим сочинение тема «Мамыд век нин мам, кöть коді сійö эз вöв!»

Панюкова Анналöн уджысь:

«Да, тайö зэв мича кывъяс. Öд быдöнлöн эм мам: мортлöн, пемöс-пöткалöн. И пыр мамыд окотитö дорйыны ассьыс кагасö.

Миян вöвлі татшöм случай. Миян эм кань Муся. А кор сійö вайсис, ми решитім кодлыкö сетны каньпиянсö. Вöлі кык каньпи. Öтисö, мича еджыд комоксö, ми нуим баблöн пöдругаыслы. А мöдсö нуим мöд сиктö.

И öти кадö ми казялім, мый Муся абу, вошöма. Быдлаысь корсьысьöм бöрын надея аддзыны дзикöдз бырис. Но рытлань бабö дорö пырис суседка да шуö: «Мый нö, каньтö онö вердöй али мый, ме дорö локтö сёйны. «А мый, Муся тэ дорын ли мый?»-юаліс пöч. «Дерт, крöвать вылын каньпиыскöд öні узьö. А луннас каньписö кöсйис ывлаö петкöдны, да ме эг лэдз, дзöля на», -водзö висьтасис суседка.

Вот кутшöма радейтö ассьыс каньписö Муся. И кыдзи сöмын корсьöма кагасö.

Сійö и эм; «Мамыд век нин мам, кöть коді сійö эз вöв».

Дерт, уна на тані позьö висьтавны.

Но кад сетны кыв водзö.

А кывкöртöд пыдди позьö шуны, мый ичöт йöрыша текстсянь велöдчысьяс вöлиникысь велалöны гижны ыджыд йöрыша текстъяс, чайта да, тані и лоö медшöр коланлуныс Сосинение гижöдлöн.

Аттьö кывзöмысь.